EPISODE - 1
ఒక దర్శకుడు ఎప్పుడూ తనకి నచ్చిన విధంగానే సినిమాని తియ్యగలడు ..... జనాలందరికి నచ్చే విధంగా తను తియ్యలేడు ఎందుకంటే వాళ్ళకి ఏం నచ్చుతుందో ఈయనకి ఎలా తెలుస్తుంది?? అని రామ్ గోపాల్ వర్మ ఒక ఇంటర్వ్యూ లో చెప్పాడు . అదే విధంగా ఒక రచయిత కూడా తనకి నచ్చిన విధంగానే రాయగలడు , జనాలందరికి నచ్చే విధంగా ఎలా రాయగలడు అని నమ్మే సాధారణ సగటు నిరుద్యోగ యువకుడు ఆర్య . "చిన్నప్పుడు ఏదో చీమో దోమో కథ రాసి , రచయిత అయిపోవాలని అన్ని పనులు మానేస్తారా ఎవరైనా ?" అని వాళ్ళ నాన్న చేత తిట్లు , ఎంతో ప్రేమగా ఎప్పటికైనా సరే వాళ్ళ అబ్బాయి , అనుకున్నది సాధిస్తాడు అని వెనకేసుకుని వచ్చే వాళ్ళ అమ్మ చేతితో అట్లు కూడా తింటాడు .
అస్సలు ఇష్టం లేకపోయినా వాళ్ళ నాన్న ఆనందం కోసం , తాను ఇష్టపడే అమ్మాయితో కాలం గడపడం కోసం ఇంజనీరింగ్ లో చేరాడు. జీవితంలో ఏమైనా పర్లేదు కానీ , బాగా చదివేసి తను మంచి మార్కులు తెచ్చేసుకుని ఇంటి చుట్టూ ఉండే పిల్లల్ని మాత్రం వాళ్ళ తల్లితండ్రులు " ఆర్యని చూసి నేర్చుకోండిరా " అని తిట్టించకుండా ఉంటే చాలు అని అనుకునేవాడు. అందుకే మనలా ఆన్లైన్ ఎగ్జామ్స్ లో కాకుండా కాలేజీ కి వెళ్లి రాసి ఒక మాదిరి మార్కులతో పాస్ అయ్యాడు . పాస్ అయ్యి సంవత్సరమైనా , ఉద్యోగం ఏమి చేయకుండానే ఇంట్లో ఉంటూ, ఎప్పటికైనా ఒక మంచి కథ రాయాలి అని అనుకుంటున్నాడు. వీటన్నిటికీ తోడుగా , ఉద్యోగం పేరుతో పెళ్లి వాయిదా వేస్తూ వాళ్ళ ప్రేమని కాపాడుకుంటూ వస్తున్నా ప్రేయసి . ఈ బాధల్లో "మా వాడు ఒక కథ రాస్తున్నాడు .... పేరేంటో తెలుసా? నా సావు నేను చస్తా మీకెందుకు " అని చమత్కారంగా ఆట పట్టించే ఒక తొట్టి గ్యాంగ్ లాంటి ఫ్రండ్స్.
తన చుట్టూ ఉండే గాలి మహిమో ఏంటో మరి ఒక ప్రేమ కథ రాయటానికి కూచున్నాడు
మన సార్ !!!!!! మన ఆర్యకి ప్రశాంత్ నీల్ సినిమా హీరోకి ఇచ్చిన ఎలేవేషన్స్ లేకపోయినా , సుకుమార్ సినిమా హీరోలా చక్కని తెలివి తేటలు ఉన్నాయి అని చెప్పచు . మరి తను అనుకున్న కథ రాస్తాడా? రొటీన్ గా రాసి ఫామిలీ ఆడియన్స్ ని మెప్పిస్తాడా ? లేదా భిన్నంగా రాసి క్రిటిక్స్ మనస్సు కొల్లగొడతాడా ?? చూద్దాం
రచన
